Dysgu Gyda'ch SHCY

Cyfres o wersi yw Rhaglen Graidd Cyswllt Ysgolion Cymru Gyfan sy’n pontio’r Cyfnod Sylfaen i Gyfnod Allweddol Pedwar (disgyblion oed 5 i 16) i godi ymwybyddiaeth am faterion cymunedol ac i hyrwyddo atal troseddu. Mae’r negeseuon yn cael eu cyflwyno gan Swyddogion Heddlu Cymuned Ysgol (SHCY).

Mae’r rhaglen wedi ei threfnu ar ffurf cynllun gwaith sbiral gyda phob gwers yn briodol ac yn gyfoes gan adeiladu ar y wers flaenorol. Dengys y matrics y rhaglen sydd ar gael i’r ysgolion: Matrics Gwersi. Mae gwaith ategol i‘r athro ei ddefnyddio i ddilyn i fyny i’w cael yn rhan yr athro o’r safle we.

Fel rhan o’r rhaglen mae delio gyda bwlio yn fater allweddol. Mae rhai gwersi’n delio’n uniongyrchol â’r testun tra gyda eraill mae’n rhan gynhenid o’r wers. Cliciwch isod i gael gweld ein gwersi ni:

+

Cyfnod Sylfaen: Cywir neu anghywir? (5-7 mlwydd oed)

Trwy drafodaeth a drama mae’r disgyblion yn ystyried os yw amrywiaeth o weithredoedd yn gywir neu’n anghywir.

Yn ystod ‘Dywedwch wrth Tarian” maent yn atgoffa Tarian y pyped  sut i ddangos parch, gofal ac i ystyried eraill.

+

Cyfnod Allweddol 2 Isaf Cerrig a Ffyn (7-9 mlwydd oed)

Bydd disgyblion yn cymryd rhan mewn amrywiaeth o weithgareddau bywiog i adnabod gwahanol fathau o fwlio a dod i ddeall yr effaith maent yn eu cael ar bobl eraill. Maent yn dysgu beth i’w wneud a lle i gael cymorth.

+

Cyfnod Allweddol 2 Uchaf Cylchoedd a Chroesau (9-11 mlwydd oed)

Drwy amrywiaeth o weithgareddau gan gynnwys trafodaeth, cymryd penderfyniadau a chwarae rôl mae disgyblion yn cael eu hannog i weld gwerth a dathlu amrywiaeth mewn pobl a’u diwylliannau. Dysgir hwy sut i adnabod stereoteip sy’n gallu arwain i ragfarn a troseddau casineb.

+

Cyfnod Allweddol 2 Uchaf Seibr Ddiogel (9-11 mlwydd oed)

Mae’r wers hon yn canolbwyntio ar ferch ifanc sy’n ddiarwybod iddi, yn ddioddefwr seibr fwlio. Mae’r fideo yn dangos pa mor fregus yw plant i’r math yma o fwlio ac mae’n darlunio yr effeithiau all ei gael ar eu bywydau. Mae’r wers yn dwyn sylw i’r broblem ac yn annog trafodaeth a dadl am y mater.

+

Cyfnod Allweddol 2 Uchaf: Hawl i fod yn ddiogel (9-11 mlwydd oed)

Mae’r wers yn canolbwyntio ar hawl pob plentyn a pherson ifanc i deimlo’n ddiogel. Drwy weithgareddau dosbarth a gwaith grŵp gofynnir i’r disgyblion  ystyried amrywiaeth o sefyllfaoedd diogel ac anniogel  a sut y gellir lleihau risgiau, a phwy allent droi ato os ydynt angen help neu gynhaliaeth.

+

Cyfnod Allweddol 3: Torri’r Cylch (11-14 mlwydd oed)

 

Drwy ddefnyddio nifer o luniau a senarios mae’r disgyblion yn dysgu sut i ddangos empathi gyda phrofiadau a theimladau pobl eraill. Maent yn ystyried effeithiau niweidiol bwlio a dysgu am dduliau pendant o ddelio gydag ef. Mae’r wers hefyd yn pwysleisio pan yn hŷn fod agweddau o fwlio yn gallu datblygu’n achosion troseddol.

 

+

Cyfnod Allweddol 3: Niwed Cudd (11- 14 mlwydd oed)

Trwy ddiffinio beth sy’n gwneud perthynas dda  mae pobl ifanc yn dechrau deall am y pum math o drais yn y cartref. Maent yn cael eu hannog i fod yn ymwybodol o beth ellir ei wneud a’r asiantaethau sydd yn cynnig cymorth.

+

Cyfnod Allweddol 4: Amrywiaeth Cymunedol (14-16 mlwydd oed)

Trwy drafodaeth a gwaith grŵp mae pobl ifanc yn dysgu am, a gwerthfawrogi amrywiaeth diwylliannol a deall sut mae creu stereoteip yn arwain i ragfarn a throseddau casineb. Mae senarios datrys problemau yn eu helpu i fod yn fwy ymwybodol o asiantaethau sy’n cynnal cymdeithasau.