PMA

PMA (Paramethocsimethyamffetamin),

Enwau Stryd

PMA, Chicken Fever, Chicken Yellow, Double Stacked, Killer, Mitsubishi Turbo, PMMA, Red Mitsubishi.

Gwybodaeth Gyffredinol

Y mae PMA yn debyg i MDMA (Ecstasi). Y mae’n gallu gwneud i ddefnyddwyr deimlo’n effro, yn fyw ac yn llawn egni. Y mae ei debygrwydd yn golygu fod PMA yn wir yn cael ei werthu weithiau fel Ecstasi. Beth bynnag y mae PMA yn llawer cryfach, ac fel MDMA, y mae’n gallu achosi codiad angheuol yn nhymheredd y corff. Y mae effeithiau PMA hefyd yn cymryd mwy o amser i ddechrau cael eu teimlo na MDMA – felly y mae rhai defnyddwyr wedi gorddosio drwy gymryd tabled ar ôl tabled wrth feddwl fod dim byd yn digwydd, sydd hefyd yn gallu bod yn angheuol.

Effeithiau

Rhuthr egni sydd yn gwneud i ddefnyddwyr deimlo’n effro ac yn fyw
Y mae defnyddwyr yn teimlo eu bod mewn cywair â’u hamgylchoedd
Y mae synau a lliwiau’n fwy dwys
Teimladau o gariad mawr at ffrindiau a dieithriaid

Peryglon

Y mae cyn lleied a chwarter tabled (60mg) yn ddigon i gynyddu’n arwyddocaol pwysedd y gwaed, tymheredd y corff a churiad y galon
Y mae unrhywun â chyflwr y galon, problemau pwysedd gwaed, epilepsi neu asthma yn gallu cael adwaith peryglus iawn i’r cyffur
Y mae unrhywun sydd yn defnyddio gormod yn gallu mynd yn baranoiaidd neu’n isel ei ysbryd.
Y mae PMA yn gallu achosi gwingiadau cyhyrau ac y mae llawer o bobl yn teimlo’n sâl iawn ar ôl ei gymryd.
Y mae PMA yn affeithio ar reolaeth tymheredd y corff ac y mae’n gryfach nag Ecstasi, ac felly y mae perygl gorgynhesu’n gallu bod yn fwy. Dylai defnyddwyr gymryd egwyl yn rheolaidd i oeri a dylent gadw’n hydradol. Os byddwch yn teimlo’ch tymheredd yn esgyn ar y llawr dawnsio ewch am gymorth ar unwaith.
Y mae’r peryglon tymor hir sydd yn gysylltiedig â PMA eto i gael eu hastudio ond y mae llawer siwr o fod yn debyg i rai Ecstasi
Y mae cymysgu PMA ag alcohol yn gallu cael canlyniadau difrifol – y mae effeithiau PMA wedi’u cynyddu, gan ei wneud yn fwy tebyg y bydd pobl yn profi ei effeithiau negyddol.

Dosbarth

Dosbarth A