Dysgu Gyda'ch SHCY

Cyfres o wersi yw Rhaglen Cyswllt Ysgolion Cymru Gyfan sy’n pontio’r Cyfnod Sylfaen i Gyfnod Allweddol Pedwar (disgyblion oed 5 i 16) i godi ymwybyddiaeth am faterion cymunedol ac i hyrwyddo atal troseddu. Mae’r negeseuon yn cael eu cyflwyno gan Swyddogion Heddlu Cymuned Ysgol (SHCY).

Mae’r rhaglen wedi ei threfnu ar ffurf cynllun gwaith troellog gyda phob gwers yn briodol ac yn gyfoes gan adeiladu ar y wers flaenorol. Dengys y matrics y rhaglen sydd ar gael i’r ysgolion: Matrics Gwersi. Mae gwaith ategol i‘r athro ei ddefnyddio i ddilyn i fyny i’w cael yn rhan yr athro o’r safle we.

Mae Diogelwch Personol yn fater allweddol yn y rhaglen. Mae gwersi neilltuol yn trin yn arbennig gyda'r pwnc tra bod y gwersi eraill ag elfen o'r pwnc hefyd.

Cyfnod Sylfaen Pobl Sy'n Helpu Ni (5-7 mlwydd oed): Mae'r plant yn dysgu am rôl yr Heddlu a'r gwasanaethau argyfwng eraill wrth adnabod lluniau o senario argyfwng a phwy i ofyn am help. Pryd i alw 999? Gan ddefnyddio 'Gwyliau Sara' a DVD 'Stori Jac' i gefnogi'r neges o beth yw argyfwng a phwy all ein helpu, ac hefyd trwy chwarae rôl yn y dosbarth.

Sylfaen – Hafan Ddiogel (5–7 mlwydd oed): Mae'r wers hon yn cyflwyno’n sensitif y cysyniad o gam-drin domestig. Gan ddefnyddio chwarae rôl, amser stori a gweithgareddau rhyngweithiol eraill, mae'n helpu plant i archwilio a deall emosiynau anodd. Mae'r wers hefyd yn amlygu pwysigrwydd siarad ag oedolyn y maent yn ymddiried yn os ydynt yn teimlo'n anniogel neu'n anghyfforddus

CA2 Isaf Ffrind neu Elyn (7-9 mlwydd oed): Mae’r wers yn codi ymwybyddiaeth y disgyblion nad yw’n bosibl adnabod person yn unig wrth ei hymddangosiad. Mae’n helpu’r disgyblion i adnabod sefyllfaaedd a all fod yn beryglus ac yn cynnig cyfle i archwilio strategaethau ymdopi. Mae DVD byr o’r enw stori Anwen yn amlygu pwysigrwydd siarad ag oedolyn y gallant ymddiried ynddynt os ydynt yn teimlo yn anniogel neu’n anghyfforddus.

Cyfnod Allweddol 2 Uchaf: Hawl i fod yn ddiogel (9-11 mlwydd oed): Mae’r wers yn canolbwyntio ar hawl pob plentyn a pherson ifanc i deimlo’n ddiogel. Drwy weithgareddau dosbarth a gwaith grŵp gofynnir i’r disgyblion ystyried amrywiaeth o sefyllfaoedd diogel ac anniogel a sut y gellir lleihau risgiau, a phwy allent droi ato os ydynt angen help neu gynhaliaeth.

CA3 Diogelwch Personol (11-14 mlwydd oed): Mae'r wers hon yn codi ymwybyddiaeth am sefyllfaoedd peryglus a pheryglon a all datblygu ym mywyd pob dydd pobl ifanc a'u bywyd cymdeithasol. Hefyd i adnabod y ffactorau sy'n effeithu diogelwch personol ac i ddatblygu agwedd cyfrifol at wneud dewisiadau ac i ddyfeisio strategaethau ar gyfer sut i weithredu wrth ystyried diogelwch personol.

CA3 Niwed Cudd (11-14 mlwydd oed): Mae'r disgyblion yn dysgu beth yw perthynas diogel ac i adnabod a deall y 5 math o gamdriniaeth domestig. Mae nhw'n dod yn ymwybodol o beth sydd modd eu wneud. Hefyd i godi ymwybyddiaeth am yr asiantaethau cefnogi sydd ar gael am y dioddefwr a'r tramgwyddwr. Mae'r SHCY yn dangos clipiau ffilm- ac mae'r disgyblion yn trafod y sefyllfaoedd/ darluniau a ddangosir ac hefyd geiriau allweddol a sut i adnabod yr arwyddion rhybudd.

CA4 Twyll Peryglus (14-16 mlwydd oed): Yn seiliedig ar ddigwyddiad bywyd go iawn mae’r DVD yn cael ei ddefnyddio i ddisgrifio stori Lucy. Cysylltiwyd â hi gan ddyn ar y rhyngrwyd a oedd yn dynwared asiantaeth modelu. Mae e’n meithrin perthynas amhriodol gyda Lucy a chyn bo hir mae Lucy’n dioddefwr o gamfanteisio rhywiol. Gan ddefnyddio trafodaeth a gweithgareddau rhyngweithiol mae’r wers yn canolbwyntio ar adnabod yr arwyddion rhybudd cynnar sy’n dangos nad yw popeth yn iawn ac mae’n annog y disgyblion i ddarganfod cyfleoedd er mwyn gwneud dewisiadau cadarnhaol ac i gadw’n ddiogel.

CA4 Na Yw Na (14-16 mlwydd oed): Mae’r wers hon yn cyflwyno’r syniad o gydsynio ac yn datblygu strategaethau sy’n grymuso’r bobl ifanc i ddeall cydsyiad rhywiol. Bydd y disgyblion yn gwylio DVD er mwyn agor y ddadl am gydsyniad rhywiol, y gyfraith a’r canlyniadau gan archwilio senarios sy’n galluogi’r disgyblion i wneud penderfyniadau gwybodus. Mae’r wers hefyd yn tynnu sylw at yr asiantaethau cefnogol lleol a chenedlaethol.

Dysgu Gyda'ch SHCY

Cyfres o wersi yw Rhaglen Cyswllt Ysgolion Cymru Gyfan sy’n pontio’r Cyfnod Sylfaen i Gyfnod Allweddol Pedwar (disgyblion oed 5 i 16) i godi ymwybyddiaeth am faterion cymunedol ac i hyrwyddo atal troseddu. Mae’r negeseuon yn cael eu cyflwyno gan Swyddogion Heddlu Cymuned Ysgol (SHCY).

Cyfnod Sylfaen Pobl Sy'n Helpu Ni (5-7 mlwydd oed)

Sylfaen – Hafan Ddiogel (5–7 mlwydd oed)

CA2 Isaf Ffrind neu Elyn (7-9 mlwydd oed)

Cyfnod Allweddol 2 Uchaf: Hawl i fod yn ddiogel (9-11 mlwydd oed)

CA3 Diogelwch Personol (11-14 mlwydd oed)

CA3 Niwed Cudd (11-14 mlwydd oed)

CA4 Twyll Peryglus (14-16 mlwydd oed)

CA4 Na Yw Na (14-16 mlwydd oed)