Stop It Now!

Gweithio i Roi Terfyn ar Gam-drin Blant a Chefnogi Pawb sydd neu sydd Wedi bod yn Rhan Ohono, Y Rhai sy'n Cyflawni a'r Goroeswyr.

Mae Stop It Now! yn gweithio gyda chymunedau ac asiantaethau gan gynnwys yr heddlu, y gwasanaeth prawf, gwasanaethau cymdeithasol plant, iechyd, tai, asiantaethau gwirfoddol a'r llysoedd ac yn darparu nifer o wasanaethau megis:

• Deunyddiau gwybodaeth sy'n esbonio sut mae cam-drin plant yn rhywiol yn digwydd, beth yw'r arwyddion a sut i ofyn am gymorth.
• • Hyfforddiant a chodi ymwybyddiaeth ymhlith y rhai sy'n gweithio gyda phlant a theuluoedd.
• Mae adnoddau ar-lein megis Parents Protect ac adnoddau eraill ar gael ar y dudalen hon.
• Ymgysylltu â phlant a phobl ifanc am gydberthnasau llawn parch ac am gadw'n ddiogel ar-lein ac all-lein.
• Llinell gymorth radffôn gyfrinachol Stop It Now! 0808 1000 90

Mae'r Llinell Gymorth hon yn cefnogi'r gwaith hwn ac yn cynnig cyngor, cymorth a gwybodaeth gyfrinachol i'r grwpiau allweddol hyn:

1. Camdrinwyr sy'n oedolion a'r rhai sy'n wynebu risg o gam-drin.
2. Teulu a ffrindiau sy'n poeni am oedolyn sy'n dangos arwyddion o feddyliau rhywiol am blentyn neu ymddygiad rhywiol tuag at blentyn sy'n peri pryder.
3. Rhieni a gofalwyr sy'n poeni am blentyn neu berson ifanc sy'n ymddwyn mewn ffordd rywiol sy'n peri pryder: eu hannog i adnabod yr arwyddion o ymddygiad sy'n peri pryder neu ymddygiad camdriniol a gofyn am gyngor ynglŷn â'r camau cadarnhaol y gallant eu cymryd.
4. Oedolion sy'n poeni am blentyn neu berson ifanc a all fod wedi cael ei gam-drin.
5. Gweithwyr proffesiynol yn gofyn am gyngor achos.
6. Oedolion sydd wedi goroesi cael eu cam-drin yn rhywiol pan oeddent yn blant.

Pan fydd unigolyn yn ffonio, does dim angen i'r galwr roi unrhyw wybodaeth adnabod megis enw teulu, cyfeiriad neu rif ffôn.

Mae Stop it Now a Rhaglen Ysgolion Heddlu Cymru wedi gweithio'n agos gyda'i gilydd ers peth amser, ac yn rhannu eu hawydd i ddiogelu plant a phobl ifanc.