Dysgu Gyda'ch SHCY

Y mae Rhaglen Graidd Cyswllt Ysgolion Cymru Gyfan  yn gyfres o wersi sydd yn ymestyn o’r  Cyfnod Sylfaenol i Gyfnod Allweddol Pedwar (disgyblion 5 i 16 oed) gan godi ymwybyddiaeth o bynciau cymunedol ac yn hyrwyddo ataliad troseddau. Cyflwynir y negeseuon hyn gan Swyddogion Heddlu Cymunedol Ysgolion (SHCY).

Y mae’r Rhaglen yn gynllun gwaith troellog gyda phob gwers yn addas i oedran y plant â chynnwys cyfoes sydd yn adeiladu ar yr un flaenorol. Y mae’r matrics yn dangos ehangder y Rhaglen sydd ar gael i ysgolion. Matrics Gwersi. Y mae gwaith i ddilyn ar y pynciau hyn ar gyfer athrawon ar gael yn adran yr athrawon.

Fel rhan o’r Rhaglen y mae bwlio seiber yn bwnc allweddol. Y mae rhai gwersi yn ymdrin yn uniongyrchol â’r pwnc tra bod eraill yn ei gynnwys fel elfen hanfodol. Cliciwch i cawr i weld ein gwersi ni:

+

Cyfnod Allweddol 2 Is Cadw'n SMART (7–9 mlwydd oed)

Dysgir disgyblion  am aros yn ddiogel ar-lein drwy animeiddiad am Rhys a Celyn sydd yn chwarae gêm ar-lein. Seilir gweithgareddau gwersi o gwmpas y rheolau SMART.

+

Cyfnod Allweddol 2 Uwch Byddwch yn Seiber Ddiogel (9 - 11 mlwydd oed)

Y mae’r wers hon yn canolbwyntio ar ferch ifanc sydd yn dod yn ddioddefwr bwlio seiber heb ymwybod. Y mae’r DVD yn darlunio pa mor hawdd yw e i glwyfo plant gyda’r ffurf yma o fwlio a’r effaith y gall ei chael ar eu bywydau. Y mae’r wers hon yn pwysleisio’r broblem  ac yn hyrwyddo dadl a thrafodaeth o amgylch y pwnc hwn.

+

Cyfnod Allweddol 3 Edrychwch Pwy sy’n Siarad (11-14 mlwydd oed)

Yn y wers hon y mae disgyblion yn dysgu sut I aros yn ddiogel ar y Rhyngrwyd drwy amrywiaeth o weithgaredau a gwaith grŵp. Y mae disgyblion yn trafod defnyddiau cadarnhaol a negyddol y Rhyngrwyd yn arbennig mewn cysylltiad â dieithriaid.

+

Cyfnod Allweddol 3 Think U Know (11-14 mlwydd oed)

Yn y wers hon drwy amrywiaeth o weithgareddau, gan gynnwys cwis rhyngweithiol a gwaith grŵp, y mae disgyblion yn dysgu sut i aros yn ddiogel ar y Rhyngrwyd. Y mae disgyblion yn dechrau deall defnyddiau cadarnhaol niferus y Rhyngrwyd, pwysigrwydd pynciau diogelwch personol wrth ddefnyddio’r Rhyngrwyd a chydnabod fod rhai pobl yn defnyddio’r Rhyngrwyd i  fynd yn nes at blant am y rhesymau anghywir.

+

Cyfnod Allweddol 3 Pictiwr Peryg (11-14 mlwydd oed)

Mae disgyblion yn dysgu am beryglon secstio a sut i osgoi camddefnyddio technoleg ddigidol. Mae’r wers yn trafod y gyfraith o gwmpas secstio ac yn defnyddio’r ffilm Pictiwr Peryg i gael disgyblion i ddeall canlyniadau’u gweithredoedd pan maen nhw’n postio neu’n anfon negeseuon rhywiol yn electronig.