Dysgu Gyda'ch SHCY

Y mae Rhaglen Graidd Cyswllt Ysgolion Cymru Gyfan  yn gyfres o wersi sydd yn ymestyn o’r  Cyfnod Sylfaenol i Gyfnod Allweddol Pedwar (disgyblion 5 i 16 oed) gan godi ymwybyddiaeth o bynciau cymunedol ac yn hyrwyddo ataliad troseddau. Cyflwynir y negeseuon hyn gan Swyddogion Heddlu Cymunedol Ysgolion (SHCY).

Y mae’r Rhaglen yn gynllun gwaith troellog gyda phob gwers yn addas i oedran y plant â chynnwys cyfoes sydd yn adeiladu ar yr un flaenorol. Y mae’r matrics yn dangos ehangder y Rhaglen sydd ar gael i ysgolion. Matrics Gwersi. Y mae gwaith i ddilyn ar y pynciau hyn ar gyfer athrawon ar gael yn adran yr athrawon. 

Fel rhan o’r Rhaglen edrychir ar sawl math o gyfathrebu digidol gan gynnig cyngor ar sut i gadw’n ddiogel tra’n defnyddio ffonau symudol. Mae’r gwersi canlynol yn delio’n uniongyrchol gyda’r testun. Disgrifir pob un isod:

+

Cyfnod Allweddol 2 Isaf SMART (7 - 9 mlwydd oed)

Gwers newydd yw Cadw’n SMART ar gyfer disgyblion 7 - 9 oed sy’n codi ymwybyddiaeth am bwysicrwydd diogelwch a materion preifatrwydd tra’n sgwrsio neu chwarae gemau ar-lein. Mae Tarian (masgot y Rhaglen Ysgolion) yn cymryd rhan mewn stori wedi ei animeiddio ‘Gwlad y Chwedlau Cymreig’ lle mae’n dysgu plant sut i gadw’n ddiogel tra’n chwarae ar y cyfrifiadur.

+

Cyfnod Allweddol 2 Uchaf Dychmygwch hwn (9 - 11 mlwydd oed)

Drwy amrywiaeth o weithgareddau gan gynnwys  trafodaeth a gwaith grŵp mae disgyblion yn dysgu sut i ddefnyddio ffonau symudol yn ddiogel ac i adnabod y gwahanol fathau o fwlio drwy’r ffôn. Gallant hefyd ddysgu sut i adrodd am ddigwyddiad amrhiodol ar y ffôn.

+

Cyfnod Allweddol 2 Uwch Byddwch yn Seiber Ddiogel (9 - 11 mlwydd oed)

Y mae’r wers hon yn canolbwyntio ar ferch ifanc sydd yn dod yn ddioddefwr bwlio seiber heb ymwybod. Y mae’r DVD yn darlunio pa mor hawdd yw e i glwyfo plant gyda’r ffurf yma o fwlio a’r effaith y gall ei chael ar eu bywydau. Y mae’r wers hon yn pwysleisio’r broblem  ac yn hyrwyddo dadl a thrafodaeth o amgylch y pwnc hwn.

+

Cyfnod Allweddol 3 Edrychwch pwy sy’n Siarad Diogelwch Rhyngrwyd (11 - 14 mlwydd oed)

Yn y wers hon defnyddir amrywiaeth o weithgareddau gan gynnwys cwis rhyngweithiol a gwaith grŵp, mae disgyblion yn dysgu sut i gadw’n ddiogel ar y Rhyngrwyd. Bydd disgyblion yn dechrau dysgu am y defnydd positif o’r Rhyngrwyd, pwysicrwydd diogelwch personol tra’n defnyddio’r Rhyngrwyd ac i adnabod fod dieithriaid yn gallu defnyddio’r Rhyngrwyd i gysylltu â phlant, yn aml am resymau anghywir.

+

Cyfnod Allweddol 3 Pictiwr Peryg (11-14 mlwydd oed)

Mae disgyblion yn dysgu am beryglon secstio a sut i osgoi camddefnyddio technoleg ddigidol. Mae’r wers yn trafod y gyfraith o gwmpas secstio ac yn defnyddio’r ffilm Pictiwr Peryg i gael disgyblion i ddeall canlyniadau’u gweithredoedd pan maen nhw’n postio neu’n anfon negeseuon rhywiol yn electronig.